सरकारले भिडभाड हुने क्षेत्रहरूमा कडाइ गर्ने भएको छ। पछिल्लो समय कोरोना संक्रमितको संख्या बढ्दै गइरहेको अवस्थामा कोरोना महामारी थप फैलन नदिन सरकारले यस्तो निर्णय गरेको हो ।
सोमबार बसेको मन्त्रिपरिषद् बैठकले विद्यालय, रंगशाला, यातायात क्षेत्र, रेष्टुरेन्टलगायतमा भिडभाड हुने क्षेत्रमा भिड जम्मा नहुने व्यवस्था मिलाउनका लागि सरकारले पहल थालेको हो ।
अनलाइनलगायत भौतिक उपस्थिति बाहेकका वैकल्पिक प्रणालीबाट शिक्षण सिकाइ क्रियाकलाप जारी राख्ने निर्णयसमेत सरकारले गरेको छ ।
नेपालमा कोरोनाको दोस्रो भेरियन्ट आइसकेको निष्कर्ष निकाल्दै सरकारले भिडभाड हुने क्षेत्रलाई विशेष नियन्त्रण गर्न लागेको जनाएको छ ।
तपाइँको प्रतिक्रीया