जनता समाजवादी पार्टी संसदीय दल लुम्बिनी प्रदेशले मुख्यमन्त्री शंकर पोखरेलविरुद्ध ल्याइएको अविश्वासको प्रस्तावमा आफ्नो पार्टीको कुनै संलग्नता नरहेको स्पष्ट पारेको छ ।
बुधबार जसपा संसदीय दलका नेता सन्तोष पाण्डेले एक विज्ञप्ति जारी गर्दै फरक प्रसंगमा लिइएको हस्ताक्षरलाई अविश्वासको प्रस्ताव दर्ता गर्दा दुरुपयोग गरिएको बताएका छन् ।
‘अविश्वासको प्रस्ताव दर्ता हुनुअघि नै संसदीय दलको बैठक बसेर एमाले नेतृत्वको प्रदेश सरकारमा सहभागी हुने निर्णय गरेकाले कुनै भ्रममा नपर्न सबैलाई आग्रह गर्दछु,’ विज्ञप्तिमा भनिएको छ ।
लुम्बिनी प्रदेशमा जसपाका ६ प्रदेशसभा सदस्य छन् । उनीहरुमध्ये ४ जना सरकारमा सहभागी भएका छन् ।
तपाइँको प्रतिक्रीया