लुम्बिनी प्रदेश, नेकपा माओवादी केन्द्रका संसदीय दलका नेता कुलप्रसाद केसीले ४२ सांसदको हस्ताक्षरसहित आफ्नो नेतृत्वमा नयाँ सरकार गठनका लागि प्रदेश प्रमुखसामू दाबी पेश गरेका छन् ।
यसअघि, प्रदेश प्रमुख धर्मनाथ यादवले एमाले संसदीय दलका नेता शंकर पोखरेललाई मुख्यमन्त्री नियुक्त गरेका थिए । तर, मुख्यमन्त्रीका लागि आवश्यक बहुमत (४१ सांसद) आफूहरु रहेको भन्दै केसीले नेतृत्वको दाबी गरेका हुन् ।
उनको प्रस्तावमा कांग्रेस, माओवादी केन्द्र जसपा, जनमोर्चाका सांसद र सूर्य चिह्नबाट चुनाव जितेका स्वतन्त्र राजनीतिक समूहका धर्मबहादुर लाल श्रीवास्तव र अजय शाही तथा साबिकको नेकपाबाट चुनाव जितेकी विमला केसीले पनि हस्ताक्षर गरेका छन् ।
तपाइँको प्रतिक्रीया