बिहीबार साँझ प्रधानमन्त्री नियुक्त भएका नेकपा एमाले संसदीय दलका नेता केपी शर्मा ओलीले आज शुक्रबार शपथ लिने भएका छन् । राष्ट्रपति विद्यादेवी भण्डारीले संविधानको धारा ७६ (३) अनुसार संसदको सबैभन्दा ठूलो दलको संसदीय दलको नेता ओलीलाई प्रधानमन्त्रीमा नियुक्त गरेकी हुन् ।
प्रधानमन्त्री ओलीले २७ बैशाखमा संसदको विश्वास पाउन नसकेपछि राष्ट्रपतिले तीन दिनभित्र संविधानको धारा ७६ (२) अनुसार दुई वा दुईभन्दा बढी दलको समर्थनमा सरकार गठनका लागि आह्वान गरेकी थिइन् । तर, दलहरुले बहुमत पुर्याउन नसकेपछि ओली नै प्रधानमन्त्री नियुक्त भएका हुन् ।
प्रधानमन्त्री ओलीले अब ३० दिनभित्र विश्वासको मत दिनुपर्छ, नभए धारा ७६ (५) अनुसार सरकार गठनको प्रयास हुनेछ । त्यो पनि असफल भए मध्यावधि चुनाव हुनेछ ।
तपाइँको प्रतिक्रीया