कांग्रेसले पार्टीका आधिकारिक उम्मेदवारविरूद्ध उम्मेदवारी दिने ‘विद्रोही–बागी’लाई क्रियाशील सदस्यताबाटै बञ्चित गर्ने निर्णय गरेको छ।
कांग्रेसले जिल्ला कार्यसमितिमा परिपत्र गरेर बागीलाई क्रियाशील नदिन निर्देशन दिएको छ । केन्द्रीय क्रियाशील सदस्यता छानविन समितिका संयोजक रमेश लेखकले विगतमा पार्टीका उम्मेदवारका विरूद्ध लागेकालाई क्रियाशील नवीकरण नगर्न निर्देशन दिएका हुन् ।
अनुशासनको कारबाही गरिएकालाई पनि क्रियाशील सदस्यता नदिन कांग्रेसले परिपत्र गरेको छ। कांग्रेसले गत वर्ष २८० जनाभन्दा बढी बागी उम्मेदवारलाई कारबाही गरेको थियो । यो नियम लागू भएमा उनीहरु कसैले पनि क्रियाशील सदस्यता पाउने छैनन् ।
तपाइँको प्रतिक्रीया