काठमाडौँ आइपुग्यो भेरोसेलको आठ लाख डोज खोप

काठमाडौँ – चिनबाट शुक्रबार बिहान भेरोसेलको आठ लाख डोज काठमाडौँ ल्याइएको छ । चीनको सिनोफार्म कम्पनीसँग नेपाल सरकारले ४० लाख मात्रा खोप खरिदको सम्झौता गरेको थियो । सोही सम्झौता अनुसार भेरोसेल खोपको पहिलो खेप शुक्रबार बिहान ल्याइएको हो । यो खोप ६० वर्ष मुनि उमेर समूहकालाई प्राथमिकताका आधारमा लगाउने मन्त्रालयको तयारी छ ।

स्वास्थ्य सेवा विभागको खोप शाखाका प्रमुख डा. झलक शर्मा गौतमले शुक्रबार आठ लाख डोज भेरोसेल खोप ल्याइएको र बाँकी खोप थप उडानमार्फत् ल्याइने बताए ।

साउन ८ गतेसम्म तीनवटा उडानमार्फत खोप नेपाल ल्याइने स्वास्थ्य तथा जनसंख्या मन्त्रालयले जनाएको छ ।