प्रधानमन्त्रीको अनुपस्थितिमा गृहमन्त्री खाँण कार्यवाहकको भूमिकामा रहने

काठमाडौँ – प्रधानमन्त्री शेरबहादुर देउवा आज बेलायत प्रस्थान गरेका छन् । प्रधानमन्त्री शेरबहादुर देउवाको अनुपस्थितिमा गृहमन्त्री बालकृष्ण खाँण उनको कार्यवाहकको भूमिकामा रहनेछन् ।

ग्लासगोमा आउँदो नोभेम्बर १–२ मा हुने जलवायु परिवर्तनसम्बन्धी संयुक्त राष्ट्रसंघीय फ्रेमवर्क कन्भेन्सन (कोप २६) पक्षहरूको २६औँ सम्मेलनमा भाग लिन उनी त्यसतर्फ प्रस्थान गरेका हुन् ।

वर्तमान सरकारमा उपप्रधानमन्त्री छैनन् । मन्त्रिमण्डलमा खाँण दोस्रो वरीयतामा छन् । राष्ट्रपति विद्यादेवी भण्डारीले मन्त्रिपरिषदको बरिष्ठतम सदस्य खाँणले प्रधानमन्त्रीको अनुपस्थितिमा गर्नुपर्ने कामकाज सम्हाल्ने गरी तोकेकी हुन् ।