काठमाण्डौं : नेपाल इन्जिनियर्स एसोसिएसनको यही फागुन २७ गते हुन लागेको निर्वाचनका लागि लोकतान्त्रिक ईन्जिनियर समुह तिव्र तयारीमा जुटेको छ ।
निर्वाचनकोे निर्धारित मिति आउँन ७ दिन बाँकी रहँदै गर्दा यतिबेला चुनावी मैदानमा होमिएका फरक,फरक समुह विभिन्न प्रदेशमा गएर इन्जिनियरहरु समक्ष मत माग्ने काम जारी राखेका छन् ।
यसैक्रममा ईन्जिनियर दिलिप कुमार झा नेतृत्वको लोकतान्त्रिक ईन्जिनियर समुह पनि लुम्बिनी प्रदेशमा पुगेको हो ।
आफुहरु लुम्बिनी प्रदेशमा पुग्दै गर्दा त्यहाँबाट सोचे भन्दा धेरै मत आउँने नेइएमा लोकतान्त्रिक इन्जिनियर समुहबाट कोषाध्यक्ष पदमा उम्मेद्वारी दिनुभएका ई. संजय कुमार महतोले एनडिसी खबरलाई जानकारी दिए ।
उनले भने ‘हामी प्रत्येक ईन्जिनियरहरुको घर, घरमा पुगेर उहाँहरुको राय बुझ्दै आफ्नो समुहलाई मत दिन आग्रह गरिरहेका छौं, त्यसमा उहाँहरुले मत दिएर लोकतान्त्रिक समुहलाई जिताउँने प्रतिबद्धता व्यक्त गर्नुभएको छ’
साथै लुम्बिनी प्रदेशमा लोकतान्त्रिक समुहले बिजयी सुरुवात गरेको समेत महतोले बताएका छन् । लुम्बिनी प्रदेशमा आयोजित चियापान तथा भेटघाट कार्यक्रममा करिब २ सय जनाभन्दा बढी ईन्जिनियररुको उपस्थिती रहेको उनले बताएका छन् ।
चुनावमा आफ्नो समुहलाई विजयी गराउँनका लागि लोकतान्त्रिक इन्जिनियर समुहबाट अध्यक्ष पदका प्रत्याशी ई.दिलिपकुमार झा, उपाध्यक्ष ई. ऋिषी कोइराला, उप-महासचिव सुधिर गरागाई, सह–कोषाध्य संजय कुमार महतो तथा सदस्य नविन तिवारी सहितका अन्य सदस्यहरु लुम्बिनी प्रदेश पुगेका छन् ।
उनिहरुले ईन्जिनियरको हकहितको लागि निरन्तर आवाज उठाइरहने प्रतिबद्धता जनाउँदै मत दिन आग्रह गरिरहेका छन् ।
ई. झा नेतृत्वको लोकतान्त्रिक समुहमा ई. ऋषि कोइराला, ई. कृष्णसिंह बस्नेत, ई. सुधिर गुरागाईं, आ. रमिता श्रेष्ठ, लगायतका दिग्गज व्यक्तिहरुको संलग्नता रहेको छ ।
साथै लोकतान्त्रिक इन्जिनियर्स समूहलाई सबै विधागत प्रतिनिधित्व हुनेगरी व्यावसायिक प्यानलको रुपमा अघी सारिएको छ ।
तपाइँको प्रतिक्रीया