जापानमा ७ दशमलव ३ रेक्टर स्केलको भूकम्प,२ जनाको मृत्यु

काठमाडौं :  जापानमा ७ दशमलव ३ रेक्टर स्केलको भूकम्प गएको छ । भूकम्पका कारण दुई जनाको ज्यान गएको छ । कम्तीमा ९० जना घाइते भएका छन् ।

उत्तर पूर्वी जापानमा हिजो बेलुका ७ दशमलव ३ रेक्टरस्केलको भूकम्प गएको हो । भूकम्पपछि लगातार परकम्प आइरहेका छन् ।

भूकम्प प्रभावित क्षेत्रमा विद्युत् सेवा प्रभावित भएको छ । अस्थायी रूपमा झण्डै २० लाख घरमा विद्युत् सेवा कटौती भएको छ । विद्युत् नियमित गर्न प्रयास भइरहेको छ भने सरकारले क्षतिको विवरण सङ्कलन गरिरहेको जनाएको छ ।