काठमाडौं : नेकपा माओवादी केन्द्रले स्थानीय निर्वाचन लक्षित तेश्रो परिपत्र जारी गरेको छ ।
शुक्रबार सो पार्टीले तेश्रो विशेष परिपत्र जारी गरेको हो । आन्तरिक परिपत्रमा विशेष परिस्थितिबाहेक पहिले विजयी उमेदवारलाई नदाहोर्याउन निर्देशन दिइएको छ ।
बिहीबार सम्पन्न सत्तारुढ गठबन्धन दलको बैठकपछि पार्टी अध्यक्ष प्रचण्डले विशेष परिपत्र जारी गरेका हुन् । परिपत्रमा उम्मेदवार देश, जनता, पार्टी र क्रान्तिप्रति इमान्दार र निष्ठावान हुनुपर्ने, स्वच्छ छवि भएको हुनुपर्ने मापदण्ड तोकिएको छ ।
उम्मेदवार छनौटको मापदण्ड :
१। विशेष परिस्थितिबाहेक सामान्यतया विगतका जनप्रतिनिधिलाई नदाहोर्याउने
२। देश जनता, पार्टी र क्रान्तिप्रति निष्ठावान रहेको
३। स्वच्छ छवि भएको
४। विजयको सम्भावना भएको लोकप्रिय व्यक्ति छनौटमा ध्यान दिने
५। पार्टी अनुशासनप्रति निष्ठावान हुनुपर्ने
६। समानुपातिक समावेशी प्रतिनिधित्वको आधारलाई विशेष ध्यान दिने
तपाइँको प्रतिक्रीया