काठमाडौं : भारतीय सीमा सुरक्षा बल एसएसबी ले बेहोस अवस्थामा नेपाल ल्याएका एक नेपालीको मृत्यु भएको छ ।
जिल्ला प्रहरी कार्यालय कञ्चनपुरका अनुसार गए राति करिब ९ बजे एसएसबीले बेहोस अवस्थामा एक नेपाली नागरिकलाई कञ्चनपुरस्थित नेपाल–भारत सीमा क्षेत्रमा छोडेको थियो ।
उनको उद्धार गरी धनगढीस्थित सेती प्रादेशिक अस्पतालमा पुर्याइएको थियो । उपचारकै क्रममा उनको आज बिहान मृत्यु भएको प्रहरीले जनाएको छ ।
घटनाका सम्बन्धमा प्रहरीले थप अनुसन्धान गरिरहेको छ । मृतकको पहिचान नखुलेको प्रहरीले जनाएको छ । प्रहरीका अनुसार उनको उमेर ३० र ३५ वर्षजस्तो देखिन्छ ।
तपाइँको प्रतिक्रीया