घरको पूजाकोठामा भगवानसँगै महजोडीको फोटो पनि राख्छु : प्रदीप भट्टराई

महजोडी र प्रदीपको पछिल्लो सहकार्य फिल्म ‘महापुरुष’ अहिले हलमा चलिरहेको छ । सकारात्मक प्रतिक्रिया मात्र होइन, फिल्मले बक्स अफिसमा पैसा पनि छापिरहेको छ । हरिवंशदेखि निर्देशक भट्टराईसम्म फिल्मको पोस्ट-रिलिज प्रचारप्रसारमा व्यस्त छन् । प्रदीप र महजोडीबीच सुरुवातदेखि नै एकखालको आत्मीय सम्बन्ध छ जुन उनीहरुले महापुरुष प्रचारको क्रममा पनि मिडियासामु खुलस्त पारे ।