डीडीसीले आजदेखि लागू हुने गरी दूधको मूल्य बढायो

काठमाण्डौ :   सरकारी स्वामित्वको दुग्ध विकास संस्थान (डीडीसी)ले आज बिहीवारदेखि लागू हुने गरी दूधको मूल्य बढाएको छ । संस्थानले आजदेखि नयाँ मूल्य प्रिन्ट भएको प्याकेट दूध बजारमा पठाएको छ ।

सरकारी निर्णयअनुसार किसानलाई बढेको मूल्य दिइसकेको र आजदेखि उपभोक्ताले नयाँ मूल्य तिर्नुपर्ने डीडीसीले जनाएको छ ।

हिजो बुधवारदेखि नै किसानले बढेको मूल्य पाएका र त्यही मूल्य आजदेखि उपभोक्ताबाट लिन थालेको डीडीसीले निकालेको विज्ञप्तिमा उल्लेख छ । निलो प्याकेटको मूल्य प्रतिलिटर ११ रुपैयाँ बढेको छ ।